नेपालमा बाढी प्रभावित समुदाय तथा संकटमा परेका जनावरको सहयोगका लागि अन्तर्राष्ट्रिय राहत टोली नेपाल आइपुगेको छ। ‘Walk for Peace’, ‘Hương Từ Loving Kindness Foundation’ र ‘Aloka Peace Foundation’ को संयुक्त राहत प्रतिनिधिमण्डल नेपाल आएको हो।
टोलीमा अलोका तथा श्रद्धेय भिक्षु पञ्ञाकार तुए न्हानसहितका प्रतिनिधि सहभागी छन्। उनीहरूको नेपाल आगमनलाई करुणा, सहकार्य र मानवीय सेवाको यात्राको सुरुवातका रूपमा लिइएको छ।
राहत टोलीले बाढीबाट प्रभावित समुदाय तथा सहयोगको आवश्यकता रहेका जनावरसँग ऐक्यबद्धता जनाउँदै आवश्यक सहयोग गर्ने जनाएको छ। टोलीले कठिन परिस्थितिमा रहेका प्रभावितहरूलाई राहत र सहारा पुर्याउने उद्देश्यले नेपाली साझेदारहरूसँग सहकार्य गर्ने बताएको छ।
टोलीको स्वागत गर्दै आयोजक पक्षले करुणा र मानवताको भावनासहित सुरु भएको यो यात्राले प्रभावित समुदायमा आशा र राहत पुर्याउने विश्वास व्यक्त गरेको छ। नेपाल आगमनलाई शान्ति, सहकार्य र सेवाको महत्वपूर्ण कदमका रूपमा लिइएको छ।
